ئەمەت زانیوە لەسەر مۆڵەتی کارکردن؟
کۆمپانیایەکت دامەزراندووە و دەتەوێت لەبوارێکی دیاریکراودا دەست بەکارکردن بکەیت و بەرهەم یاخود خزمەتگوزارییەکانت بخەیتە بازاڕەوە.
پاش تەواوکردنی ڕێککارە یاساییەکان بڕوانامەی دامەزراندنی کۆمپانیاکەت وەرگرتووە و دۆسیەت بۆ کراوەتەوە لەبەڕێوەبەرایەتی کۆمپانیاکان و ڕاستەوخۆ دەست دەکەیت بەکارکردن چونکە بڕوانامەت هەیە.
بەڵام ئەمە هەڵەیە!
چونکە کۆمپانیا سەرەڕای هەبووی بڕوانامە هێشتا ناتوانێت هیچ جۆرە چالاکییەک ئەنجام بدات هەتا مۆڵەتی نەبێت لە وەزارەت و لایەنی پەیوەندیدار، بۆ نموونە کۆمپانیایەکی زراعی ت هەیە دەبێت مۆڵەت لە وەزارەتی کشتوکاڵ وەربگریت، کۆمپانیایەکی بواری ئۆتۆمبێلت هەیە دەبێت مۆڵەت لە وەزارەتی ناوخۆ وەربگریت، ئەوکات دەتوانیت بەبێ کێشە لەبوارەکەی خۆت کاربکەیت و چالاکییەکانت ئەنجام بدەیت، بەڵام ئەوەت لەبیرنەچێت کە مۆڵەتیش کاتی هەیە و دەبێت ساڵانە نوێبکرێتەوە.